• Kyk uit vir die volgende tekens
• Spoor dit op met behulp van webbronne
• Spoor dit op met behulp van 'n opsporingstelsel

Visueel

• Vreemde uitleg.
• Verskillende fonte en style op 'n onlogiese manier in dieselfde dokument.
• Ongewone formatering wat suggereer dat die Internet die bron van die teks kan wees. Let op die URL, "grys" letters of woorde wat dui op skakels, verkeerde bladsynommers, ens.
• 'n Vermenging van verwysingstyle.
• Dele of sinne wat nie verband hou met die res nie.

Inhoud

• Die werkstuk voldoen nie inhoudelik aan die vereistes nie: dis van koers af of beantwoord die verkeerde vraag.
• Die meeste bronne is ouer as vyf jaar.
• Aanhalings is buite verband: is daar bibliografiese merkers vir hulle?
• Die bibliografie en die verwysings in die teks stem nie ooreen nie.
• Die biblioteek besit nie hierdie bronne nie.
• Webverwysings is na onaktiewe webwerwe.

Kennis

• Die werkstuk oortref die bepaalde student se vaardighede en kennis darem net te ver. 
• Die woordeskat is kompleks en verskil hemelsbreed van dié wat in die klas gebruik word.
• Onkonsekwente skryfstyl: sommige dele swak vergeleke by die res.
• Die student is nie by magte om 'n opsomming van die werkstuk te kan maak nie.

Soekenjins

• Wanneer 'n werkstuk verdag voorkom is dit 'n goeie idee om 'n ongewone sin of frase daaruit te gebruik vir 'n soektog in een van die bekende soekenjins soos Google, Lycos of AltaVista. Gebruik die Advanced search opsie.

• Die volteks (elektroniese tydskrifte) databasisse is nie soekbaar met die gewone soekenjins nie. U kan 'n ongewone sin of frase soek deur dit in die full text blokkie op die soekskerm in te tik vir produkte soos EBSCOhost, Infotrac, Proquest, Emerald en ScienceDirect. Hierdie databasisse word algemeen op kampus gebruik.

Daar bestaan 'n verskeidenheid sagteware oplossings waarmee plagiaat in elektroniese tekste opgespoor kan word. Vir meer inligting hieroor gaan na die Dalhousie Universiteit se Detection Software Sites.

Daar word tans ondersoek ingestel na die moontlikheid om 'n kampus lisensie vir MyDropbox te koop. Ons het gratis toegang tot einde Augustus. Kontak gerus mev Sanet Haupt om as gebruiker te registreer.